Sado planifikime të bësh për ditën e madhe, atë të dasmës, gjithnjë ka disa gjëra që të shpëtojnë, një ose dy njerëz që nuk sillen siç e mendoje dhe të zhgënjejnë.
Nëse ke qenë ndonjëherë i ftuar në një dasmë ose do të jesh së shpejti, këto janë veprimet më të pasjellshme që nuk duhet të bësh:
1.Asnjëherë mos u ul në vend të parë nëse nuk e ke vendin aty. Ruaje gjithnjë vendin e parë për familjarët dhe të afërmit e çiftit.
2.Mos sill dikë të paftuar në dasmë, surpriza të tilla gjatë një situatë stresuese, nuk janë të mirpritura.
3.Mos u përpiq asnjëherë të lësh në hije nusen me veshjen tënde. Nëse ajo nuk të jep aprovimin, mos u vish me të bardha.
4.Mos konkurro me nusen as për aksesorët dhe modelin e flokëve. Lërja kurorën ta ketë ekskluzive vetëm nusja.
5.Gjithmonë konfirmo prezencën tënde. Do të doje të të vinte dikush pa ftuar në shtëpi të dielën në darkë?
6.Mos sill surpriza dhe pako të mëdha në dasmë, veçanërisht nëse bëhet fjalë për produkte shtëpie apo kuzhine.
7.Mos shko kurrë vonë. Dita e tyre më e madhe duhet të jetë prioritet edhe për ty.
8.Mos bëj foto pa lejen e çiftit që më pas t’i postosh në mediat sociale. Ekskluzivitetin e fotove të para lërja të sapo martuarve.
9.Mos sill fëmijët në damsë nëse ftesa thotë “vetëm të rritur”.
10.Kur nuk ulesh në vendin që të kanë caktuar, bën një gabim të madh dhe një ngatërresë për të gjithë të ftuarit e tjerë.
11.Kur ikën më shpejt sesa duhet. Edhe gjyshja jote do të qëndronte më shumë. Thjesht trego që ke respekt për çiftin.
12.Mos e surprizo çiftin dhe as planifikuesit e dasmës, veçanërisht me dolli të pavend.
13.Mos refuzo të fikësh telefonin nëse ky është rregull për të gjthë në dasmë.
