Lojtari i “Chicago Bulls”, Tristan Thompson dhe ylli i “Keeping Up With The Kardashians”, Khloe Kardashian janë përfolur shumë dhe në mediet rozë për marrëdhënien e tyre dhe tradhtive të shumta që basketbollisti ka bërë ndaj Khloe.
Së fundmi Tristan ka bërë një postim në “Instastory” të mërkurën e cila mendohet nga fansat të jetë një ‘thumb’ ndaj Khloe.
“Lëreni të shkuarën t’ju udhëheqë në vend që t’ju bëjë të ndiheni fajtorë. Lëreni të ardhmen t’ju emocionojë, në vend që t’ju bëjë të ndiheni të shqetësuar. Le të jetë e tashmja një dhuratë për ju për t’u ndjerë i gjallë, në vend të një mallkim që ju bën të jetoni në të kaluarën ose të ardhmen”, u shpreh ai.
Kjo ka shkaktuar reagime të shumta në rrjet pasi fansat janë të surprizuar se si ai ende nuk pranon gabimet e së shkuarës, sidomos lëndimet e shumta ndaj partneres së tij.
Rikujtojmë se Khloe dhe Tristan i kanë dhënë fund marrëdhënies së tyre në qershor të vitit 2021.
Burime konfirmuan se dyshja e famshme, të cilët kanë një vajzë 3-vjeçare vendosën të ndiqnin rrugët e tyre të ndara.
Ky lajm erdhi një vit pas ribashkimit të tyre. Ata u ndanë në shkurt 2019 pasi basketbollisti e tradhëtoi Kardashian me Jordyn Woods – mikesha e ngushtë e Kylie Jenner. Por vendosën t’i jepnin një mundësi tjetër njëri-tjetrit në Korrik të vitit të kaluar.
