Sot kemi “Shiko kush luan” dhe si gjithmonë vëmendjen kryesore e merr e zonja e emisionit, Luana Vjollca.
Ditën e sotme ajo na surprizoi të gjithëve duke u shfaqur në Instagram me një look si të Jennifer Lopez, pamje me të cilën do e shohim gjatë mbrëmjes.
Ajo zgjodhi pikërisht fustanin që diva JLo veshi për një ndër daljet e saj më të komentuara të vitit që lamë pas, në pasarelën e firmës më të njohur në botë Versace.
Mirëpo, nëse nuk e dini, Luana ka shpenzuar sa qimet e kokës vetëm për tu dukur si super ylli botëror. Një fustan kaq mbreslënës ka një çmim po aq marramendës.
Ka qenë faqja e njohur e Instagramit, shqip.closet që ka zbuluar se moderatorja më e komentuar e ekraneve shqiptare ka shpenzuar plot 10, 650 euro.
Unë do thoja se ia vlen sepse fundja s’është kollaj të dukesh si Jennifer Lopez, qoftë edhe për disa orë. Ndërkohë, ditën e djeshme, Luana u shfaq si një pirate look-u tjetër i mbrëmjes, një tjetër rol që i shkonte shumë.
Mezi po presim të kalojnë edhe këto orë që të shikojmë “Shiko kush luan”.
