Ledri Vula është bërë me shtëpi të re dhe alamet shtëpie!
“Iconstyle.al” mësoi se reperi i njohur shqiptar ka bërë një investim me vlerë mbi 200 mijë euro në një nga zonat më të njohura të Kosovës, në Brezovicë.
I njohur për vilat moderne dhe luksoze, ky kompleks do të jetë lagja më e re e Ledri Vulës, i vendosur në një prej zonave më të preferuara turistike në Kosovë.
Reperi shqiptar ka shtëpinë e prindërve në Brezovicë dhe me sa duket po zhvendoset më pranë tyre. Ai ka realizuar edhe një klip më herët në Brezovicë.
“Iconstyle.al” mësoi se reperi ka komshinj edhe çiftin e famshëm, Shyhrete Behluli dhe Luan Salihu.
Nga ambienti i jashtëm që na paraqet fotoja, reperi shihet teksa pozon pranë një vile me mur druri dhe gurësh.
Në dukje vila është dykatëshe, por me sa shohim ka edhe pjesën e papafingos sipër.
Tani që është dimër, me siguri që nuk i mungon pjesa e oxhakut brenda dhe “Ni got (verë) për ty”!
