Ledri Vula u dha fund dyshimeve për ndarjen nga Adela Sollaku. Reperi Ledri Vula ka folur për herë të parë për ndarjen nga e dashura, Adela Sollaku. I ftuar në “Top Shoë”, ai pohoi se tashmë marrëdhënia e tyre ka përfunduar, por nga ana tjetër u shpreh se ende e do atë, dhe do ta dojë gjithmonë si një ndër njerëzit më të mirë në jetën e tij.
“Gjërat bëhen për hir të dashurisë. Unë Adelën e kam dashur shumë, e dua, mund të them. Është një prej njerëzve që më shumë më ka dashur dhe respektuar.” , u shpreh ai. Ledri shpjegoi se ruajnë një marrëdhënie shumë të mirë, dhe duke mbajtur lotët tha se do ta dojë gjithmonë. “Jemi miq, do të mbetemi gjithmonë miq”, u shpreh, “Do ta dua gjithmonë si Adela që kam njohur.”
Fillimisht, e pati të vështirë të fliste lidhur me këtë temë, pasi siç ka thënë shpeshherë, këtë marrëdhënie ka dashur ta ruajë nga vëmendja publike. Reperi sqaroi se gjatë gjithë kohës është munduar të ruajë Adelën, të respektojë privatësinë e saj, ndonëse nuk ia ka dalë dot. “Adela nuk është person publik. […] S’e kam bërë lidhjen publike, sepse kam dashur ta ruaj nga mediat, të respektoj privatësinë e saj. Por për fajin tim, është bërë e famshme edhe Adela”.
U tregua mjaft i prerë kur u ngacmua se nuk do të ishte single për shumë kohë, me gjithë fanset femra që ka. “Unë s’jam banjo publike!”, tha ai. Lidhja e Adelës me Ledrin u bë e njohur në media verën e vitit të shkuar. Që atëherë, në të paktat herë që ka folur për ish-partneren, Ledri ka shprehur shumë respekt dhe dashuri.
