Një ditë të bukur në vitin 2010, Zayn Malik mori pjesë në audicionet e X Factor…dhe pjesa tjetër ishte histori. Kaluan gjashtë vite që kur ai u bashkua për herë të parë me “One Direction” dhe Malik ka ecur shumë përpara.
Ai nuk lë rast pa përmendur mirënjohjen për mundësitë që grupi i ka dhënë atij. Revista “Teen Vogue” publikoi një shkrim ekskluziv nga libri i ri i 23-vjeçarit dhe fansa të “One Direction” bëhuni gati që të përloteni.
“Kisha mundësinë të takoja fansa të mrekullueshëm dhe asnjëherë nuk mund t’i falënderoj për të gjithë dashurinë dhe mbështetjen që më kanë dhuruar mua si në kohë të mira ashtu edhe në të këqija. Sinqerisht mund të them që jam shumë krenar për ditët e “One Direction”. Ndoshta njerëzit nuk e besojnë, por kjo është e vërteta. Unë kam akoma në muret e shtëpisë time disqet prej platini që kemi marrë për çdo album. Kam një mur posaçërisht për të shfaqur ato. “One Direction” ishte një përvojë e pabesueshme dhe është pjesë e imja, pjesë përbërëse e historisë sime, dhe unë kurrë nuk do ta mohoj atë”.
Burimi: Teen Vogue
