Të gjithë jemi kurioz të zbulojmë sa më shumë për jetën e personazheve të njohur shqiptar që i shohim çdo ditë në ekranet tona. Si kanë qenë ato bebe të vogla, adoleshente, apo dhe sa kanë ndryshuar ndër vite?
Një ndër personazhet e njohura shqiptare që nuk e ka problem të publikojë foto nga fëmijëria e saj është moderatorja Dojna Mema. Vetëm pak javë më parë publikoi në “Instastory” një foto kur ka qenë bebe e vogël. Në këtë foto viheshin re dukshëm sytë e mëdhenj blu dhe buzët e plota, tipare që e karakterizojnë edhe sot.
Dojna ka publikuar sërish një foto ku shfaqet në moshë të vogël. Ajo ka marrë qindra komente pozitive, por midis tyre ka spikatur edhe ai i moderatorit Ledion Liço.
“Katunare e lumtur”, ka shkruar Ledioni.
Dojna si natyrë e shkathët që është nuk ka ngurruar t’ia kthejë menjëherë përgjigjen Ledionit.
“Të paktën kam foto me ngjyra”, ishte përgjigja me humor e moderatores.
Këto komente sapo na treguan se dyshja e njohur ndan një marrëdhënie miqësore mes tyre.
