Disa ditë më parë, Noizy lançoi projektin e tij të ri, një “diss” me fakte i cili i dedikohej të gjithë kundërshtarëve të tij në rep.
Kënga e tij u titullua “1 herë e mirë” ose ndryshe “Vaksina” dhe bëri bujë të madhe në rrjet.
Në pak ditë kënga ka arritur 2 milion klikime në Youtube dhe të shumta kanë qenë komentet në rrjet për këtë projekt.
Si fillim, reperi e nis duke treguar se kush është dhe se çfarë roli ka ai në Hip-Hopin shqiptar. Ai thotë se ka shkatërruar shumë karriera dhe se pa të s’ka lajme. Ndonëse të gjithë po prisnim të përmendte emra, reperi na ka surprizuar, duke thënë se “nuk merret me plehra” dhe i konsideron kolegët “peshq të vegjël” dhe veten “balenë”. Megjithatë, ai diku në rreshta flet edhe për Big Kik i cili i bëri diss disa javë më parë në “Gjoni Black”.
Ai shprehet se ka dhënë shumë ndihma por disa kanë dalë “fake”. Sakaq, reperi nuk ka ngurruar edhe një herë të përmend se kush është, çfarë ka kaluar për të mbërritur këtu dhe se ka mbi një dekadë në industri.
Pas reagimit të Big Kik, nuk ka vonuar edhe reagimi i Stresit, i cili prej kohësh është njohur si “kundërshtari” i Noizy-t.
Në një postim në InstaStory, Stresi shkruan se s’ka ndërmend të bëjë më diss-e, por do të thotë fjalën e fundit.
Stresi tregon se iku koha kur të tjerët i ngatërronin për sherre me emra të njohur të showbiz-it, vetëm për famë, klikime e followers. Reperi ka treguar se asnjë diss nuk e merr personal, pasi nuk ka punë me askënd.
Ai i ka uruar suksese të gjithëve dhe i ka këshilluar të bëjnë muzikë pa prekur familjet e askujt. Sa i përket fjalëve që fliten lart e poshtë për faktin se diss-i i Noizy-t i drejtohet Stresit, ai i është referuar këtyre fjalëve me “Le të lehin këlyshat”.
“Po foli i funit: Janë msu publiku dun dhun, dun lojra, dun Instagram, dun followers. Mu s’më ka hangër e as nuk më ha për asnji sa për repera. Kom hec me respekt e kam bo mirë kudo. Unë nuk gjej veten në asnjë diss sepse nuk e kam bo veten. Ndryshe kush dojn beef me mu I swear sa për personal e mirëpres pa hezitu. Kshuqë shut ju gojorsa sun na shtini mo si përpara. Suksese krejtve, leni familjet anash boni hite me talent, realitet po mos prekni familjet askujt. Le t’lehin klyshat.”- ka përfunduar Stresi.
