Stresi dhe partnerja e tij, Keisi, po bëjnë kohë që nuk e kanë takuar më njëri-tjetrin, mirëpo ndjenja që kanë duket se është më e fortë se gjithçka.
Ata kanë arritur të përballojnë çdo pengesë e të jenë gjithmonë krahu mbështetës i njëri-tjetrit, pavarësisht largësisë së madhe që i ndan.
Siç të gjithë e dimë tashmë, Keisi jeton në Kanada ndërsa Stresi vazhdon jetën e tij në Tiranë, ndërsa rrjetet sociale janë ato që i kanë mbajtur pranë.
Madje, nëpërmjet tyre kemi arritur të shohim një pjesë të “telenovelës” së bukur të çiftit, me ndarje e ribashkime të shumta.
Sigurisht, largësia bën të vetën dhe nuk do mend që malli po i djeg të dy.
Këtë, Keisi e ka treguar fare thjeshtë me një video në InstaStory.
Teksti i këngës “Betohemi” duket se i përshtatet më së miri situatës së dyshes, ndërsa partnerja e reperit ka vendosur krahas videos figurën e dy duarve të një çifti, që kanë kapur gishtat e vegjël me njëri-tjetrin.
Për më tepër, shikojeni vetë videon e cila s’do shumë koment:
