E diela ishte një ditë festive për Hip Hop-in. Reperi amerikan Pusha T, i cili bëri bujë këtë vit për diss-in që i bëri Drake, lidhi kurorë me dashurinë e tij të vjetër Virginia Williams.
Dasma u zhvillua të shtunën në Hotel Cavalier në Virginia. Çifti i lumtur kishte ftuar disa miq shumë të njohur për të ndarë gëzimin e tyre të madh.
Për ditën e saj të madhe nusja kishte veshur një fustan elegant nga Marchesa, para se të ndërrohej në një tjetër fustan nga Reem Acra për festën pas dasme.
Pharrell Williams, një mik i afërt i dhëndrit, ishte shoqëruesi kryesor i tij, ndërsa Kim Kardashian West dhe Kanye West morën pjesë gjithashtu në këtë ceremoni së bashku me muzikantët e tjerë Fabolous, The Dream dhe Trey Songz.
Pak përpara ceremonisë, Kardashian postoi videon e fustanit të saj në ngjyrë ari në Instagram. Duke pozuar para një pasqyre, ajo tregoi fustanin Balmain, të cilin e shoqëroi me një çantë të Judith Leiber, në formë telefoni.
Pasi na tregoi look-un e saj Kim e drejtoi kamerën nga bashkëshorti i saj duke treguar Kanye West të veshur me një kostum të zi klasik.
