Koronavirusi i ka marrë jetën një tjetër mjeku në vend.
Mjeku pneumolog Anibal Byberaj ka ndërruar jetë pas infektimit me COVID-19 në Spitalin COVID 2 “Shefqet Ndroqi”, ku ishte i intubuar.
Byberaj u shtrua menjëherë pas komplikacioneve në spitalin “Shefqet Ndroqi”, por nuk ka mundur dot të fitojë betejën e tij me virusin.
“Shqiptarja.com” shkruan se ai u paraqit dje tek ish-Sanatoriumi në gjendje të rëndë shëndetësore dhe ndërroi jetë mbrëmjen e djeshme.
Mjeku pneumolog ka punuar mjek në Tropojë dhe ka mbajtur dhe postin e drejtorit në Spitalin e Tropojës.
Ndërkohë, Ministria e Shëndetësisë nuk ka bërë ende përditësimin e rasteve të reja, dhe pritet të dalë në orën 16:00.
Dje u thellua sërish bilanci nga COVID-19 në vendin tonë, krahasuar me një ditë më parë.
Ministria e Shëndetësisë informoi se janë shënuar 5 viktima në 24 orët e fundit, duke e çuar numrin e përgjithshëm të të vdekurve në 166.
Kanë ndërruar jetë 3 qytetare nga Shkodra; një 47 vjeçare, një 51 vjeçare, një 72-vjeçare, me disa sëmundje bashkëshoqëruese, edhe 2 qytetarë nga Tirana; një 65-vjeçar pa sëmundje të tjera dhe një 70-vjeçar me sëmundje bashkëshoqëruese.
/Iconstyle.al
