Një atentat ndodhi sot në qytetin e Shkodrës, ku një person është qëlluar për vdekje.
Ngjarja është shënuar rreth orës 11:30 në lagjen Rus, ku dy persona të maskuar dhe me motor janë afruar dhe e kanë qëlluar me plumb në kokë shtetasin Fatos Ferracaku.
“BalkanWeb” shkruan se viktima merrej me tregtinë e peshkut, ndërsa i plagosur ka mbetur edhe miku i tij Fatmir Mehaj.
Në vendngjarje ishin të pranishëm shumë dëshmitarë dhe atentati ndodhi në sy të të gjithëve.
Burime nga Policia e Shtetit raportuan për “BalkanWeb” se policia ka gjetur motorin e autorëve, të djegur, një metodë e përdorur edhe në krime të mëparshme në Shkodër.
