Situtata e virusit Covid-19 në Itali vazhdon të jetë delikate dhe numri i viktimave herë vjen në rritje e herë zbret nga dita në ditë.
Megjithatë, situata është qetësuar goxha ditëve të fundit dhe brenda 24 orëve janë regjistruar fatmirësisht më pak viktima se dje.
Sipas një raportimi zyrtar, brenda 24 orëve të fundit Italia ka shënuar 570 të vdekur me Covid-19, ndryshe nga dita e djeshme që u shënuan 610 jetë të humbura.
Deri tani, numri i të vdekurve për shkak të koronavirusit në shtetin fqinj ka shkuar në 18,849.
Gjatë 24 orëve të fundit u regjistruan 3,951 raste të konfirmuara, duke e çuar në 147,577 numrin total të tyre.
Italia vazhdon të mbajë vendin e parë si shteti më i prekur për shkak të Covid-19.
3,497 persona nga 147,577 po luftojnë me jetën dhe situata vazhdon të mbetet kritike.
