Ministria e Shëndetësisë raportoi ditën e djeshme 44 raste të reja të infektuar me Covid-19, në 24 orët e fundit, ndërsa sot një lajm i mirë vjen për shqiptarët.
Sipas njoftimit të ditës së sotme, bëhet fjalë për një zbritje të ndjeshme të numrit të rasteve të të infektuarve.
Mësohet se në 24 orët e fundit janë identifikuar 31 raste të reja, pra 10 raste më pak se dje.
Gjithashtu, një pacient ka ndërruar jetë në Spitalin e Infektivit, duke e çuar në 36 numrin e viktimave për shkak të virusit.
Shpërndarja e rasteve është 8 në Tiranë, 5 në Vlorë, 5 në Shkodër, 1 në Lushnje, 2 në Durrës. 2 në Krujë, 6 në Pukë dhe dy në Elbasan, specifikisht në Belsh.
Rastet e Belshit janë nënë e bijë, 46 dhe 20 vjeç.
Ato janë infektuar në QSUT, ndërsa në Vlorë, 4 janë anëtarë të një familjeje.
Rasti tjetër është një punonjës fasonerie.
