Në një komunikim të drejtpërdrejtë në Facebook, kryeministri Rama ka bërë të ditur lehtësimet e reja të masave në vendin tonë.
Rama u shpreh se numrat e larta të rasteve të reja janë regjistruar si shkak i rritjes së ekspozimit pas lehtësimit të masave, por gjithsesi mbetet problem.
Ai u shpreh se në zonat e kuqe do ketë kufizime dhe nuk e përjashtoi mundësinë që një zonë e gjelbër të bëhej e kuqe, nëse rastet me Covid-19 rriten.
Rama tha se nga e hëna vendi ynë do hapet pothuajse totalisht, me përjashtim të disa aktiviteteve që paraqesin rrezikshmëri të lartë.
Karegoritë që do vijojnë të qëndrojnë të mbyllura deri në një lajmërim të dytë janë: transporti publik, palestrat, qëndrat sportive të mbyllura, teatrot, klubet e natës, kinematë.
Pavarësisht kësaj, kryeministri kërkon që qytetarët të respektojnë masat kundër koronavirusit dhe të tregohen të ndërgjegjshëm, pasi situata mund të përkeqësohet.
“Vetëm Shqipëria kështu, vetëm Shqipëria ashtu. Ne nga e hëna, përveç transportit publik, aktitvitet sportive në mjedise të mbyllura, nuk do kemi asgjë tjetër mbyllur. Hiq transportin publik, me të drejtë shumëkush nga ju është i shqetësuar për mungesën, duhet të jetë i vetëdijshëm që nuk e hapim dot ende. Hiq palestra, qëndra sportive, teatro, klube nate, kinnema, gjithçka tjetër do jetë e hapur. Ekspozimi do të jetë shumë i madh.”- u shpreh Rama.
Gjithashtu, në zonat e gjelbra nga e hëna qarkullimi do të jetë i lirë, qoftë për lëvizjen me këmbë apo makinë.
Pra, në këto zona nuk do të kenë më fasha orari që kufizojnë lëvizjen pas një orari të caktuar, e ndërsa vijojnë të mbeten në fuqi në zonat e kuqe.
“Në të gjithë territorin ku janë zonat e gjelbra lëvizja është e lirë, me makinë, në këmbë, ose me kal. I lirë, ndërsa në zonat e kuqe rregullat ndryshojnë dhe do të mbeten kështu në varësi të numrat”, tha Rama.
https://www.facebook.com/138734771522/videos/803175863543542/
Pavarësisht rihapjes së aktiviteteve, situata e bizneseve në vend vazhdon të jetë shumë e vështirë, veçanërisht për baret dhe restorantet që kanë pasur goditjen më të madhe.
Siç të gjithë e dimë, këto aktivitete duhet të rrinë hapur deri në orën 17:30, kur të gjithë janë në punë dhe nuk kanë mundësi të lëvizin për të konsumuar diçka.
Deri në ndryshimin e orarit të lejuar për qarkullim apo heqjen përfundimtare të kufizimit, situata duket se do të vazhdojë e njëjtë në këto biznese.
