Ministria e Shëndetësisë së Maqedonisë së Veriut ka informuar se pacientja zero është shëruar dhe do të trajtohet nga shtëpia.
Pasi ka kryer testet ajo ka rezultuar negative nga Koronavirusi, duke ia dalë ta mposhtë.
Aktualisht në Maqedoninë e Veriut rezultojnë të infektuar 19 persona dhe gjendja e tyre është e qëndrueshme.
Ditën e sotme pritet që të dalë rezultati i analizave për 3 persona, që kanë pasur kontakt me të infektuarit.
Rasti i parë me Koronavirus në Maqedoninë e Veriut u shënua më 26 shkurt dhe qeveria ka marrë masa të rrepta për të parandaluar përhapjen e virusit.
