Ditën e djeshme në Itali ndërruan jetë 368 persona për shkak të Koronavirusit.
Në këtë mënyrë, numri i të vdekurve nga pandemia në Itali ka shkruar në 1809 persona dhe numri ndryshon nga dita në ditë.
Pavarësisht se situata sa vjen edhe bëhet më e vështirë, kryeministri italian, Giuseppe Conte, në një deklaratë të dhënë së fundmi tha se piku nuk ka arritur ende.
Për mediat italiane këtë të hënë, ai është shprehur që kjo emergjencë nuk është parë ndonjëherë që pas Luftës së Dytë Botërore.
“Duhet të shmangim të gjitha daljet që nuk janë të nevojshme. Është momenti për sakrifica, për përgjegjësi. Po përjetojmë një emergjencë që nuk është parë ndonjëherë që prej Luftës së Dytë Botërore. Shumica e italianëve janë të vetëdijshëm se rregullat e reja shërbejnë për të mbrojtur të dashurit tanë. Jam krenar që udhëheq këtë komunitet dhe duartrokitje për mjekët dhe infermierët”, tha ai.
Sipas kryeministrit nëse njerëzit qëndrojnë në shtëpi do të jetë më e lehtë që të përballohet virusi, por më e keqja nuk ka ardhur akoma.
