Nëpërmjet një postimi në faqen e saj zyrtare në Facebook, Ambasada Amerikane në Shqipëri ka njoftuar për vendimin e ri të Agjencisë së Shteteve të Bashkuara për Zhvillim Ndërkombëtar.
USAID ka parashikuar një fond 37 milionë dollarësh për vendet e prekura nga përhapja e Koronavirusit dhe nga ky vendim përfiton edhe Shqipëria.
“Ky angazhim – së bashku me qindra miliona dollarë të dhuruar bujarisht nga sektori privat amerikanë tregojnë udhëheqjen e fortë të Shteteve të Bashkuara në përgjigjen ndaj shpërthimit të këtij virusi”, tha Sekretari i Shtetit Mike Pompeo gjatë shpalljes së kësaj ndihme.
Nga ndihma do të përfitojnë 25 vende që janë prekur nga COVID-19 ose janë në rrezik të lartë të përhapjes së këtij virusi.
