Mjeku i njohur reanimator Roland Xhaxho ka fituar betejën me Covid-19 dhe së shpejti pritet të largohet nga spitali.
Lajmin e ka bërë të ditur ministrja e Shëndetësisë Ogerta Manastirliu nëpërmjet një postimi në rrjetet sociake.
Ajo thotë se në total 40 personel shëndetësor kanë fituar betejën me Covid-19 ndërsa në të gjithë vendin janë shëruar 327 pacientë.
“Më gëzon pa masë lajmi se dr. Roland Xhaxho është shëruar nga #COVID19 dhe së shpejti do të lërë spitalin infektiv. Janë 40 personel shëndetësor të #shëruar nga COVID-19. Deri tani janë 327 pacientë dhe staf mjekësor që e kanë fituar betejën me #COVID-19. #FORCA”, shkruan ministrja.
Kujtojmë se ditën e sotme në vendin tonë janë konfirmuar 22 raste të reja me COVID-19 duke e çuar në total numrin në 584.
