Një tjetër ngjarje e rëndë duket se mund të jetë shënuar mbrëmjen e sotme dhe këtë herë pranë Tiranës së Re.
Të shtëna me armë zjarri kanë vënë në lëvizje policinë e cila tashmë ka mbërritur në vendngjarje.
Nga raportimet e momentin dyshohet se një person mund të ketë humbur jetën, megjithatë ende nuk ka një deklaratë zyrtare e cila ta vërtetojë.
Gjithashtu dyshohet se personi i vrarë është Jurgen Kurti, i cili nuk është i panjohur për policinë. Ai është arrestuar disa herë së pari për vrasjen e babait të tij, por u la i lirë për mungesë provash. Më pas ai u përshi edhe në një vrasje në Durrës, por edhe këtu u lirua për të njëjtën arsye. Nuk dihen ende rrethanat e krimit apo autorët, por policia ndodhet në vendin e ngjarjes.
Nga ajo që bëhet e ditur ngjarja ka ndodhur rreth orës 22:00, ndërkohë që Kurti ka qenë duke shkuar për në shtëpi. Policia hedh dyshime se atentatorët kanë qenë në makinë në momentin që kanë qëlluar dhe janë larguar me shpejtësi, ndërkohë që i ka ndihmuar edhe errësira.
Të shtënat me armë duket se janë duke u kthyer në përditshmëri pasi kjo është hera e tretë brenda një jave që ka të shtëna me armë. Në datën 14 mars një person ka mbetur i plagosur pranë stadiumit “Dinamo”, para dy ditësh është vrarë tek Liqeni Artificial një person në sy të të birit, ndërsa sot një tjetër ndodhi e tillë. Megjithatë presim të deklaratën zyrtare të policisë përsa i përket ngjarjes së shënuar.
Lajmi në përditësim…
Burimi: gazetareforma.com
