Sipas një njoftimi nga Ministria e Shëndetësisë, në vendin tonë janë regjistruar 10 raste të reja të infektuara me Covid-19.
Kështu, numri total i të prekurve ditën e sotme ka shkuar në 736.
Nga rastet e rej, në Tiranë janë regjistruar 9 raste ndërsa Shkodra 1 rast.
Gjithashtu, brenda 24 orëve të fundit janë shëruar 13 pacientë, ndërsa numri total i të shëruarve ka shkuar në 422.
Në shërbimin infektiv aktualisht janë 29 të shtruar, nga të cilët 7 pacientë janë në terapi intensive. Nga këta, 1 pacient është i intubuar.
Ndërkohë, në spitalin COVID 2 “Shefqet Ndroqi”, janë 5 pacientë të shtruar, nga këta 2 pacientë janë në terapi intensive, njëri prej tyre i intubuar.
Në dy spitalet COVID aktualisht po marrin shërbim 34 pacientë.
Zonat më të prekura janë Tirana dhe Shkodra, ndërsa sëfundmi është kthyer në një vatër problematike Kruja.
Njoftimi i MSH
Në kuadër të informimit të përditshëm për situatën e infeksionit Sars-Cov2 dhe sëmundjes COVID-19, ju bëjmë me dije se:
Gjatë 24 orëve të fundit janë testuar 212 persona të dyshuar me COVID-19.
Nga rezultatet e testimeve janë konfirmuar 10 raste pozitive me COVID19, nga të cilat 9 raste janë në Tiranë, shumica kontakte familjare, dhe 1 rast i ri është në Shkodër.
Deri në këto momente janë testuar 7491 raste të dyshuara dhe prej tyre janë të konfirmuar pozitivë me COVID-19, 736 raste.
Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 422 ose 57.3 % e totalit të të prekurve
Aktualisht në vendin tonë, 286 ose 42.7 % e totalit të të prekurve janë persona aktivë me COVID19 dhe siç shihet përqindja e të shëruarve është më e lartë. Kjo tendencë tashmë vazhdon të jetë e qëndrueshme.
Deri sot, 28 qytetarë e kanë humbur betejën me këtë sëmundje megjithë përpjekjet e stafit mjekësor.
Ju informojmë se, në shërbimin infektiv aktualisht janë 29 të shtruar. 7 pacientë janë në terapi intensive, ndërsa 1 pacient është i intubuar.
Në spitalin COVID 2 “Shefqet Ndroqi”, janë 5 pacientë të shtruar. 2 pacientë janë në terapi intensive, ndërsa 1 pacient është i intubuar. Në dy spitalet COVID aktualisht po marrin shërbim 34 pacientë.
Harta e të prekurve nga COVID-19 zgjerohet në Tiranë dhe Shkodër. Shpërndarja gjeografike e rasteve pozitive, është si vijon:
Bashkia- Të prekur – Të shëruar
Tiranë – 302- 187
Shkodër – 105 – 61
Krujë – 92 – 8
Durrës – 42 – 37
Fier – 37 – 27
Kurbin – 31
Korçë – 19 – 18
Elbasan – 18 – 15
Kukës – 18 – 10
Lezhë – 14 – 14
Has – 14 – 12
Kavajë – 9 – 8
Lushnje – 7 – 4
Vlorë – 5 – 4
Pukë – 5 – 4
Mirditë – 5 – 3
Rrogozhinë – 4 – 4
Tropojë – 4 – 4
Berat – 3 – 2
Mallakastër – 1
Mat – 1
Ministria e Shëndetësisë dhe Mbrojtjes Sociale i bën thirrje të gjithë qytetarëve që të vazhdojnë të respektojnë masat e vendosura si e vetmja armë që kemi në dorë për të frenuar përhapjen e infeksionit.
Në kushtet e lehtësimit të disa masave është shumë e rëndësishme të zbatohen me përpikmëri të gjitha udhëzimet e autoriteteve shëndetësore, të respektohet distancimi fizik dhe ruajtja e higjienës personale.
Këto masa duhet të respektohen makimalisht edhe brenda rretheve familjare, duke shmangur vizitat tek të afërmit për çdo lloj arsye.
Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40.
