Së fundmi, “News24” bën me dije se një helikopter i Urgjencës ka mbërritur në pistën që ndodhet në oborrin e Spitalit Infektiv në Tiranë.
Sapo ka mbërritur, një infermjere është afruar pranë tij për të marrë një person, i cili dukej në gjendje të rëndë.
Derisa mbërriti ambulanca, mjekja u përpoq ta mbante në jetë me anë të frymëmarrjes artificiale.
Gazetarja e “News24” bëri me dije se ky rast nuk ka të bëjë me COVID-19, pasi nuk u fut në spitalin Infektiv.
Ai u transmetua me ambulancë tek Urgjenca e QSUT.
https://youtu.be/kfqSjaiLPKs
Kujtojmë se në vendin tonë numri i të infektuarve ka shkuar në 243 dhe për fat të keq është regjistruar edhe viktima e 13.
Personi ka ndërruar jetë mëngjesin e sotëm në moshën 62-vjeçare dhe kishte sëmundje të tjera shoqëruese.
