Të dielën, Lady Gaga u ul me Dalai Lama për të folur për dhembshurinë, shëndetin mendor dhe si ta bësh botën një vend më të mirë.
Të hënën, “China’s Apple Daily”, një gazetë pro-demokracisë raportoi se departamenti i propagandës së vendit urdhëroi të gjitha mediat për të ndaluar “ngarkimin ose shpërndarjen e saj” dhe madje për dënimin e takimit. Disa media të tjera u urdhëruan që të mos e mbulonin fare takimin.
E gjitha erdhi pas takimit të Gaga-s me liderin shpirtëror për të bërë atë që ajo bën gjithmonë: të shpërndajë mesazhin e pozitivitetit dhe paqes fansave të saj ndërkombëtarë.
Por tashmë Lady Gaga nuk e gëzon më të drejtën për të hyrë në Kinë, madje as muzika e saj nuk do të dëgjohet më atje, për shkak të takimit të saj me udhëheqësin shpirtëror tibetian, të cilin Pekini e cilëson si separatist.
Breshëria e reagimeve ka ardhur pas pamjeve të takimit mes Lady Gaga dhe Dalai Lamës në Indianapolis të Shteteve të Bashkuara. Këngëtarja e hiteve “Pokerface” apo “Bad Romance” është tepër e njohur në Kinë, por asnjëherë nuk ka mbajtur koncerte atje.
Kina e konsideron Dalai Lamën, i cili u largua në Tibet në vitin 1959 pas një revolte të dështuar kundër sundimit kinez, si një individ që kërkon të krijojë përçarje.
“Ka një konsensus të gjerë se çfarë lloj personi është Dalai Lama, qëllimi i takimeve të tij është propozimi për pavarësinë e Tibetit, tha zëdhënësi i Ministrisë së Jashtme kineze, Hong Lei. 30-vjeçarja nuk është e vetmja e futur në “listën e zezë” kineze. Edhe yje të tjerë si, Miley Cyrus, Jay Z, Selena Gomez, Bob Dylan janë ndaluar të hyjnë në Kinë pas takimit me Dalai Lamën.
Burimi: Music.Mic
