La emisionin për shkak të shtatzënisë, Brunilda Lahe zbulon gjininë e bebushit dhe tregon barkun e rrumbullakosur

Disa ditë më parë, moderatorja e njohur e “My Living”, Brunilda Lahe, njoftoi nëpërmjet një videoje në rrjetet sociale se pas 4 vitesh, po largohej nga emisioni i përjavshëm pasi ishte në pritje të ëmbël të një bebushi.

Së fundmi, në disa postime në Instastory, mikeshat i kanë zbuluar Brunildës gjininë e foshnjës si dhe kanë treguar barkun e saj të rrumbullakosur.

Moderatorja është në pritje të ëmbël të një vajze e cila do të vijë në jetë pas disa muajsh.

Në një tjetër postim, njëra prej mikeshave të Brunildës ka pozuar me dorën tek barku i moderatores, ndërsa krahas fotos Brunilda shkruan: “Le të themi se barku ka filluar të duket.”

Na mbetet ende të presim për të mësuar se në cilin muaj të shtatzënisë është moderatorja dhe ç’emër do të zgjedhë për të voglën e saj.