Travis Scott pas njoftimit të parë në vitin 2016 se kishte nisur punën për albumin e tij të njohur “Astroworld” më në fund e publikoi atë gjatë fundjavës që lamë pas.
Ditën e hënë Travis Scott prezantoi edhe videon e këngës “Stop Trying to Be God”, pjesë e së cilës ishte edhe e dashura e tij, Kylie Jenner.
Menjëherë pasi u publikua kënga, fansat e tij të shumtë gjetën ngjashmërinë e madhe midis këtij videoklipi dhe atij të këngëtares Arianan Grande “God Is A Women”, e cila ka të njëjtin regjisor me atë të Travis Scott, Dave Meyers.
Mirëpo ajo që tërhoqi më shumë vëmendjen në këtë klip është Kylie Jenner, e cila u shfaq si Virgjëresha Mari e kohëve moderne. Ajo shfaqet në këtë klip gjithë shkëlqim me ngjyra të arta duke u përpjekur të shpëtojë Travis-in që është shkrumbuar nga zjarri.
Kënga nis me daljen e Travis Scott në mesin e një tufe delesh ku midis tyre është një dele e zezë, e cila është simboli i njeriut të udhëhequr nga forcat e errëta.
Ndërsa në përfundim të kësaj kënge në skenë del sërish Kylie që mban dhe përkëdhel një qengj të vogël.
Sipas referencës biblike qengji lidhet me flijimin e Krishtit dhe shihet si formë e alegorisë së shpëtimtarit. Pikërisht duke luajtur me këto simbole Travis e sjell Kylie Jenner si një baroneshë që kujdeset për kopenë e saj.
Burimi: Daily Mail
