Kylie Jenner ka pranuar se nuk ishte aspak e përgatitur të bëhej nënë në moshën 20-vjeçare. Në një intervistë me “Vogue Australia”, mbretëresha e Make Up-it rrëfeu se shtatzënia ishte një eksperiencë e “çmendur”për të.
Kylie tregoi se gjatë kohës së shtatzënisë ishte shumë e ndjeshme, ndaj vendosi që ta përjetojë këtë eksperiencë në mënyrën më të qetë që ajo di, larg zhurmës së paparacëve dhe kamerave.
“E dija që do të ishte më mirë për mua dhe Storm-in, nëse do të qëndronim në prapaskenë. Hormonet janë thjesht të çmendura dhe je gjithë kohës shumë e ndjeshme dhe nuk isha aspak e përgatitur. Ndaj e ndjeva të nevojshme, ta përjetoja këtë eksperiencë shumë privatisht.” – tregoi ajo për “Vogue Australia”.
Stormi është fëmija i parë i Kylie Jenner, nga marrëdhënia e saj me reperin Travis Scott.
