Beyonce, ka ndarë me ndjekësit e saj në Instagram, një pjesë të re nga traileri i filmit mbarëbotëror, “Renaissance”.
Filmi i këngëtares ka si synim të tregojë të gjithë punën e palodhur për vite me radhë të saj, përfshirjen në të gjitha aspektet e produksionit të Beyonce, si dhe ashpërsinë që shpesh i është dashur të shfaq duke qenë se kjo botë është e mbushur plot me meshkuj, siç e cilëson këngëtarja dhe për të ka qenë shumë e vështirë.
Sapo videoja e re është publikuar, të shumta kanë qenë dhe komentet negative në rrjete sociale të cilat e kanë kryqëzuar këngëtaren, pas vendimit për ta shfaqur filmin edhe në Izrael, duke pasur parasysh masakrat e luftës e cila ende vazhdon.
Fillimisht do të dalë në kinema më 1 dhjetor, në SHBA, Kanada dhe Meksikë dhe më pas në të gjithë vendet e tjera, ku Beyonce ka pasur edhe performancat ndër vite.
