Do ta besonit nëse ju themi se një tatuazh mund ta përdorni për të dërguar informacione? Vitet kalojnë dhe tashmë tatuazhi nuk ka pse të ketë vetëm rolin estetik.
Bëhet fjalë për tatuazhet, nga të cilët do të mund të komandohen telefonat “smartphone” dhe pajisjet e tjera dixhitale. Tatuazhet mbështeten në fletë ari dhe që janë të ndjeshme për prekjen e një personi, ndërsa ekrani do të mund të komunikojë me pajisje të tjera.
Lidhja midis tatuazhit dhe celularit do të bëhet nëpërmjet një aplikacioni të quajtur NFC. Pajisja është e mundësuar nga një bateri me litium polimeri dhe truri i operacionit është një chip i vogël informatikë.
Koncepti vjen nga Cindy Hsin-Liu Kao një student doktorature, i cili ka kryer stazhin pranë qendrës së kërkimeve në Microsoft verën e kaluar. Kao paraqet tri versione të tatuazhit të zgjuar.
I pari përdor tatuazhin si një pajisje input që kthen lëkurën në një detektor kontrollues për të komanduar telefonin tuaj. Versioni i dytë, tatuazhi tregon informacione të tilla si temperatura e trupit të një personit, ndryshimi i saj dhe rrahjet e zemrës. Tatuazh i tretë është një pajisje komunikimi. Jeni të interesuar sa mund të kushtojë një i tillë? Jo më pak se 175 dollarë.
Burimi: CNN
