Të gjithë e njohin tashmë grimierin shqiptar Mario Dedivanoviç dhe famën që mori pas bashkëpunimit prej 10 vitesh me Kim Kardashian. Por ai nuk qenka i vetmi që ka një talent fantastik, për të realizuar makijazhin perfekt.
Një tjetër shqiptar, që jeton në Amerikë, duket se po bën namin në rrjetet sociale. Është vetëm 18 vjeç, por Kevin Kodra është një grimier mjaft i zoti.
Dhe këtë na e dëshmon duke transformuar veten e tij vetëm falë makijazhit.
Ndryshe nga Mario ai ka vendosur që ta dëshmojë talentin jo te të tjerët, por te imazhi i tij, ndërsa nuk ngurron të përdor buzëkuq, tone sysh, qerpikë false, shkëlqyesin e fytyrës dhe çdo gjë që duhet për të arritur rezultate të tilla.
Ai ka marrë komente dhe komplimente nga shumë yje të famshëm, ndërsa në “Instagram” numërohen mbi 74 mijë ndjekës.
Sipas të dhënave Kevin jeton në Toronto dhe me siguri emrin e tij do ta shohim në imazhet e shumë figurave në të ardhmen.
Burimi: Instagram
