Ajo ishte e mirënjohur për rolet e saj me të cilat fitoi “Oscar”, angazhimin e saj për bamirësi dhe natyrisht stilin e saj të thjeshtë, por shumë elegant. Pothuajse 25 vite pas vdekjes së saj tragjike, Audrey Hepburn po mbush mediat sërish.
Hepburn ka qenë një personazh shumë i diskutuar për thashethemet për kequshqyerjen përgjatë viteve. Për të ilustruar masën e saj, veshjet e saj u nxorrën në ankand përmes një manekine të veçantë me bel 56 cm.
Aktorja ishte 1.70 cm e gjatë dhe peshonte rreth 49 kilogramë, por partneri i saj Robert Ëalders tha se dashuria e jetës së tij nuk kishte asnjë dietë, por pëlqente stërvitjen, çokollatë dhe pijen alkoolike “scotch”.
“Ne hanim bukë të zezë me reçel për mëngjes, dreka do të ishte pulë ose mish viçi ose makarona, shpesh me perime nga kopshti”, tha Ëalders për revistën “People”.
Hepburn gjithashtu pëlqente ta trajtonte veten çdo mbrëmje.
“Ajo hante çokollatë pas darkës. Dhe pinte një apo dy shotsa “scotch” gjatë natës”.
Por gjëja me të cilën nuk ngopej Hepburn ishin makaronat.
“Ajo e donte ushqimin italian dhe makaronat. Mami kishte një varësi serioze me makaronat. Ishte e çmendur pas makaronave”, tha djali i saj Luca Dotti për revistën “People”.
Dhe ushqimi i saj i preferuar italian?
“E preferuara e saj ishte makaronat me salcë domatesh. Ajo mund të jetonte vetëm me to”, tha i biri.
Burimi: Harper’s Bazaar
