Muhamed ishte emri më i popullarizuar i dhënë djemve në Angli dhe Uells në vitin 2023, duke e rrëzuar Noah nga vendi i parë, sipas shifrave zyrtare.
Muhamedi u përfshi që nga viti 2016 në 10 emrat më të njohur dhe në vitin 2022 ishte në vendin e dytë, sipas listës vjetore të përpiluar nga Zyra për Statistikat Kombëtare (ONS).
Oliver zëvendësoi George si i treti më i popullarizuari. Për vajzat, tre emrat më të njohur në vitin 2023 ishin Olivia, Amelia dhe Ayla, ashtu si një vit më parë. Zyra për Statistikat Kombëtare njoftoi se bota e të famshmëve duket se ka ndikuar në rritjen e popullaritetit të disa emrave, me foshnjat e quajtura Reign dhe Saint, si ato të familjes Kardashian-Jenner, si dhe në rritjen e atyre që emërtohen sipas muzikantëve pop, si Billie Eilish.
Megjithatë, sipas të njëjtit burim, emrat e familjes mbretërore si Charles, George dhe Harry po bëhen më pak të njohur.
