Pasi në media u bë publik skandali Tea-Beart, me shpejtësi nisën të shpërndaheshin disa foto, që përforconin idenë për një tjetër lidhje të fshehtë brenda “Për’puthen”. Bëhet fjalë për dyshen Andi-Melisa, të cilët prej kohësh përfliten për një lidhje dashurie. Këto ditë në rrjet kanë qarkulluar disa foto në të cilat ata shfaqeshin me të njëjtin kapuç dhe disa detaje të tjera të ngjashme gjatë kohës që kishin bërë video live në Instagram.
Ditën e djeshme Melisa, i mohoi këto akuza, mirëpo zërat poshtë e lart thonë të kundërtën. Sipas Fationit dhe Shqipes, Melisa është duke gënjyer, sepse mes saj dhe Andit ka vërtetë një lidhje dashurie.
“Ndërrova mendim për Oskar si aktoren më të mirë të vitit… pff rëshkiti hahahaha. Kam 1 palë atlete Armani kush i do?! Janë të shtrenjta. Hahahaha o zot lottt o njerëz hë mo e keni seriozisht se u meka. Hmmm tani që e mendoj mos dhe unë e luajta bukur ikjen nga skena?! Iii sa gjynah nuk qava dot as u drodha duhet ta bëja që të ma besonin… a ç’më iku situata të më vij dhe 1 shans i dytë. Rastësisht kjo shoqja ime ka ËC njësoj ups ça rastësise. Hahaha u lotova bravo! Vjen së shpejti”, shkroi Fationi në një postim në Instagram duke ironizuar Melisën.
Ndërsa Shqipja e ftuar së fundmi në “Top Albania Radio” ka thënë se Melisa dhe Andi kanë nisur të bashkëjetojnë me njëri-tjetrin, por e mbajnë të fshehtë. (Lexo këtu)
Ndërkohë ndjekësit e programit “Për’puthen” kanë nisur të kthehen pas në kohë e të gjejnë detaje që mund të çojnë drejt vërtetimit se mes Melisës dhe Andit ka lindur diçka prej kohësh. Disa javë më parë Andi ju është përgjigjur disa pyetjeve me spec te “After Party i Luana Vjollcës”, që i ka bërë ndjekësit të dyshojnë se ai na ka dhënë një shenjë që atëherë se zemra i rrihte për Melisën.
Ai u pyet nëse i pëlqejnë më shumë vajzat brune apo bionde dhe Andi u përgjigj prerë: “Kuqe”. Melisa është vajza e vetme që i ka flokët e kuqe në program dhe asokohe ndjekësit u habitën që ai nuk zgjodhi biondet si Tea. Nuk e dimë nëse Andi e ka thënë këtë gjë me shaka, por ndjekësit e programit kanë të drejtë të mendojnë se kjo ka qenë një shenjë nga ana e tij për të treguar se në të vërtetë ishte përputhur me Melisën e jo me Tean.
