Më herët u bë e ditur se në “Sunny Hill” do të performojnë artistë të njohur botëror si Diplo, Skepta, DJ Regard, AJ Tracey, Mahmood, J Balvin etj. Gjithashtu, dhe artistët më të njohur shqiptarë do të jenë të pranishëm dhe do të ngjiten në skenën gjigante.
Por kush është artistja e njohur shqiptare që do të ngjitet në skenë? E gjeni dot?
Epo, është pikërisht këngëtarja e njohur Dhurata Dora.
Lajmi që Dhurata Dora do t’i bashkohet Dua Lipas u bë me dije nga vetë faqja zyrtare e “Sunny Hill Festival” në rrjete sociale.
Skena do të elektrizohet nga performancat e yjeve ndërkombëtarë por edhe atyre shqiptarë.
Shumë këngëtarë si Ledri Vula, Yll Limani, Cozman, Kida, Onat, Ghetto Geasy, Elvana Gjata etj do të performojnë në skenë.
Shumë ish-anëtarë të “Babastars”, do të ngjiten në skenë por a do të ketë një rikthim?
Skivi publikoi një Instastory të gjatë më herët, ku shkroi se “nuk do të ketë një surprizë të ‘Babastars’ me paraqitje të të gjithëve në skenë”.
“E vlerësoj dhe e çmoj entuziazmin e të gjithëve për dëshirën me qenë prezent të gjithë Babastars. Duke komentu nëpër statuse të ndryshme dhe vlerësime që do të ketë surprizë të Babastars me paraqitje të të gjithëve në skenë! Më duhet t’iu informoj që kjo nuk ka për të ndodhur e as nuk është në plan. Njëra pjesë e Babastars do të jetë prezent ashtu qysh e keni parë në lajmërime. … Shkaku i kushteve të ndryshme dhe marrëveshjeve të fshehura që bëhen në dëm të vlerës së plotë, ndodhin këto gjëra. Më së paku ata që e meritojnë gjendjen prapa artistëve të mëdhenj që jepen gjithçka për labelin. Të gjitha shumë shpejt do të marrin fund dhe të jetë e qartë për publikun një herë e përgjithmonë. Gjysmën e gjysmës së Babastars do ta përjetoni. Kënaquni” – ka shkruar Skivi në një story.
