Pas marrëdhënies që pati me Christian Carino, Lady Gaga ka gjetur sërish dashurinë me biznesmenin Michael Polansky.
Ata u fotografuan duke u puthur në një festë për Vitin e Ri 2020 në Las Vegas dhe ata më pas e bënë publike lidhjen e tyre.
Polansky dhe Gaga përfunduan në karantinë së bashku në shtëpinë e saj në Malibu gjatë pandemisë COVID-19.
Bashkëjetesa gjatë pandemisë bëri që Polansky të shndërrohej në një person mjaft i rëndësishëm për Gagën.
Michael Polansky është sipërmarrës teknologjie, investitor dhe filantropist.
Pra, kush është saktësisht Polansky?
Sipas profilit të tij në LinkedIn, Polansky ndoqi Universitetin e Harvardit nga viti 2002 deri në vitin 2006. Ai u diplomua për matematikë dhe shkenca kompjuterike.
Polansky është aktualisht një biznesmen dhe sipërmarrës në organizata jofitimprurëse dhe kompani.
Më e rëndësishmja- ai ndihmoi në krijimin e Fondacionit “Parker” në vitin 2015 së bashku me Sean Parker, bashkëthemelues i Facebook dhe Napster, dhe ka shërbyer si drejtor ekzekutiv.
Përveç punës së tij, Polansky është gjithashtu anëtar bordi i Institutit “Parker”, i cili financon në kërkimet për trajtimet e kancerit.
Çifti gjithashtu ka punuar së bashku për të mbledhur fonde për kauza të ndryshme bamirësie, duke përfshirë koncertin One World: Together at Home, që organizoi Gaga.
