Kourtney Kardashian dhe Travis Barker u martuan në ceremoninë më intime, të rrethuar nga Mary Jo Campbell, mamaja e Kris Jenner, e njohur për familjen si MJ, babai i Travis, Randy Barker dhe disa truproja.
Sipas një burimi të afërt me Kardashians, ka një arsye të veçantë pse Kourtney zgjodhi gjyshen për të qenë e vetmja në krah të saj. “Kourtney është fëmija i parë i Kris-it, dhe për shkak të kësaj, ajo ka pasur gjithmonë një lidhje super të veçantë me gjyshen e saj MJ.”
“Ta kishte në krah gjyshen kur u bë gruaja e Travis ishte kaq e rëndësishme për të dy. Ky ishte një nga momentet më të veçanta të jetës së tyre. Ata të dy u emocionuan tepër gjatë ceremonisë së vogël”, thanë burimet e afërta të çiftit.
Personaliteti i reality tv dhe biznesmenia ka një lidhje të veçantë me MJ.
“Të dy janë shumë të ngjashëm dhe do të jenë të parët që do t’ju thonë këtë,” vazhdoi burimi.
“Kur Kourtney donte ta bënte këtë martesë zyrtare, MJ ishte ajo tek e cila shkoi për këshilla. Ajo e donte ceremoninë super të vogël dhe intime. Kourtney e dinte se ata nuk mund të merrnin një nga motrat e saj pa i pasur të gjitha motrat e saj atje. Ajo e dinte githashtu se ata nuk mund të kishin një nga fëmijët e tyre pa i pasur të gjithë fëmijët atje.”
“Ajo nuk mund të imagjinonte një mënyrë më të veçantë për të festuar një nga ditët më të rëndësishme në jetën e saj sesa të kishte gjyshen pranë”, tha burimi.
Kourtney dhe Travis u martuan më 15 maj 2022 në një ceremoni në gjykatën e Santa Barbara.
