Fytyra e një vajze me shami, që shpreh hapur kundërshtimin ndaj urdhrit ekzekutiv, që dha presidenti Trump për refugjatët myslimanë, po kthehet shumë shpejt në një simbol në Shtetet e Bashkuara. Ajo është Munira Ahmed, një 32-vjeçare nga Bangladeshi që jeton në New York.
Koncepti i kësaj fotografie është që një grua myslimane e veshur me shami të jetë pjesë e Amerikës, pa u paragjykuar nga askush. Ajo ka vendosur flamurin amerikan në vend të shamisë së zakonshme dhe është bërë një nga figurat më të njohura në botë.
Shepard Farey është dizajnuesi që krijoi imazhin e Munira, i njëjti që krijoi edhe posterin ‘Hope’ të ish-presidentit, Barack Obama. Ideatorët e kësaj kanë menduar që ta publikojnë në Ditën Ndërkombëtare të Grave, së bashku me disa figura të tjera ku përfshihen një femër me ngjyrë dhe një e bardhë. Motoja që do të përdoret për mënyrën sesi Munira ka mbajtur qëndrim në foto është: “Ju nuk do të më lëvizni , që këtu. Unë nuk do të shkoj asgjëkundi”.
