Valdete Bllaca quhet efektivja e cila ka vrarë prindërit e saj, dy vëllezërit dhe veten më pas me armën e saj zyrtare, sot pasdite në Gjilan.
Në një konferencë të përbashkët të Policisë së Kosovës, Prokurorisë së Shtetit dhe Inspektoratit Policor të Kosovës, u konfirmua se arma e përdorur ishte ajo e detyrës.
“Dyshohet se revolja e përdorur në rast është zyrtare. Zyrtarja policore ka qenë zyrtare aktive e policisë”, ka thënë nënkolonel Remzi Azemi, njofton Klan Kosova.
Policia ka qenë duke punuar sipas konfirmimit në Stacionin Policor të Gjilanit, dhe jo e pezulluar nga detyra ashtu siç informojnë disa media.
Në këtë tragjedi të rëndë kanë mbetur të vrarë Zeqir Bllaca, 70 vjeç; Hanife Bllaca 66 vjeç; Blerim Bllaca 43 vjeç, Fisnik Bllaca 34 vjeç dhe vetë Valdete Bllaca, 45 vjeç.
Burime ende të pakonfirmuara bëjnë me dije se efektivja vuante nga probleme psikike. Mediat kosovare kanë publikuar edhe disa nga fotot e të ndjerës, ndërsa sipas policisë së Gjilanit, Bllaca ka qenë efektive e policisë rrugore.
