Një ndër blogerët më të njohur ka mbërritur në Shqipëri për t’u njohur dhe për të realizuar videon më të paparë në vendin tonë.
Nuseir Yassin është një bloger arabo-izraelit, i cili krijon video 1 minutëshe gjatë udhëtimeve të tij anembanë botës dhe i publikon ato në Facebook në faqen “Nas Daily”.
Nusey u bëri thirrje pak ditë më parë shqiptarëve, duke u kërkuar ndihmë për të reklamuar bukurinë e vendit tonë.
Ndërkohë dje pasdite, blogeri mblodhi rininë në Universitetin Politeknik të Tiranës për të realizuar një video të paparë gjatë perëndimit. Ata folën për temat që Nas mund të përdorë për të realizuar videon e tij për Shqipërinë.
Burime për “iconstyle.al” bëjnë me dije se videoja do të përmendë informacione në lidhje me ato gjëra për të cilat njihet më tepër vendi ynë. Të rinjtë përmendën edhe maninë e kafeve dhe faktin që në Shqipëri janë më të lira në krahasim me vendet e tjera.
Sipas burimeve për “iconstyle.al”, një person i veçantë që kishte tërhequr vëmendjen e ekipit të Nas, ishte ciceroni Sokol Koçeku i Kullës së Ngujimit në Theth. Ky i fundit ka tërhequr vëmendjen e turistëve me veshjen popullore të zonës dhe aftësitë e tij vërtetë të veçanta në prodhimin e një melodie muzikore, duke mbajtur pranë gojës vetëm një gjethe frashëri.
Këto dhe të tjera çudira “Made in Albania”, pritet t’i shohim në videon e Nas, e cila nuk është publikuar ende, ndërsa presim që të mësojmë më tepër të shtunën në emisionin e Ermal Mamaqit, i cili e ka ftuar blogerin në “Xing me Ermalin”.
“Sa mirë i presim miqtë… @nasdaily në Shqipëri. I ftuar në “Xing me Ermalin”, shkruante Ermali në Instagram.
