E përqafuam trendin e vetullave të trasha dhe mendojmë se ishte ndër stilet, që i duheshin kohës. Por ndoshta gjërat po ekzagjerohen pak tani!
Kemi parë vetulla të plota si tatuazh, vetulla si pendë, vetulla të kuruara dhe të krehura lart por tani e kanë radhën monovetulla e mbushura.
Nëse s’keni qenë objekt talljeje për monovetullën tuaj, me siguri keni tallur dikë tjetër me batutën “vetull “Brezhnjev”.
Titujt e artikujve dhe revistave i ka zënë modelja Scarlett Costello. Ajo punon për agjencinë e modelingut “Ford Paris” dhe atje i sugjeruan t’i linte vetullat të rriteshin, pasi në këtë mënyrë do të përzgjidhej nga më shumë klientë.
Monovetullë e famshme është ajo e Taylor Hill. Ngjan absolutisht rinore dhe e dëlirë. Po ashtu, edhe Lilly Collins ka zgjedhur një pamje natyrale për vetullën e saj.
