Ministret e qeverisë Rama kanë zgjedhur jugun për të pushuar e për të bërë plazh. Bëhet fjalë për ministren e Arsimit Nikolla dhe atë të Ekonomisë, Ekonomi, në momentet e tyre të relaksit në jug.
Ministrja e Arsimit dhe Sporteve, Lindita Nikolla, për pushimet e verës, ka preferuar që me bashkëshortin dhe vajzën të shkojnë në Jug, në Dhërmi.
Por, nëse gjithë të tjerët vrapojnë te deti i mrekullueshëm i këtij plazhi, zonja Nikolla ka preferuar të rrijë në qetësi, në pishinën e hotelit. Nuk mungon asnjëherë sharmi i saj, edhe pse në plazh zonjat janë të privuara nga tualetet dhe krehjet.
Ndryshe nga pjesa më e madhe e ministrave të kësaj qeverie, të cilët kanë preferuar Dhërmiun dhe hotelet e mira, ministrja e Ekonomisë, Milva Ekonomi ka bërë diçka tjetër, mbase mund të ketë ndjekur edhe zakonet e pushimeve që ka pasur gjithnjë edhe kur nuk ishte ministre.
Ajo është fotografuar nga “Panorama” në Qeparo, së bashku me një grup të madh mikeshash. Ekonomi kishte zgjedhur një hotel modest për fundjavën e saj, ose mbase edhe për pushime më të gjata.
*Shfleto galerinë
