Atëherë kur mendon se vera ka qenë e tejmbushur me klipe dhe hite, Ronela Hajati surprizon sërish.
Këngëtarja shqiptare ka publikuar një këngë të re që titullohet “MVP” dhe që siç thotë ajo është vetëm për qejfin e saj.
Përmes Instagramit, Ronela njofton publikimin e këngës së re me një klip mjaft interesant bardhezi.
“Kjo këngë është për qejf, atëherë kur mendon se dhe nëse ke problemet më të mëdha, do egzistojë gjithmonë një qoshe ku mund të kërcesh! Ju dua!”, shkruan Ronela.
Ajo shfaqet me look-un e ri, flokët e shkurtër dhe të errët që i shkojnë shumë.
Kënga e fundit nga Ronela Hajati ishte “Lage”, një këngë tipike verore që dogji club-et sezonin e verës.
