Çapkëni Noah i ka lënë pak kohë të lirë mami Fatmës që të merret me ndjekësit e saj në Instagram, ndaj moderatorja i ka dhënë mundësinë të gjithë fansave të pyesin e ajo të përgjigjet, duke zhvilluar një bashkëbisedim.
Fatma ka qenë kurioze të dijë cili ka qenë apo është nepsi më i madh i të gjitha femrave shtatzënë, ndërsa ndjekëset kanë nisur t’i përgjigjen.
Mirëpo, përgjigjja e një ndjekëseje e ka “shkundur” Fatmën dhe e ka bërë të fërkojë sytë mirë.
“Dhe unë kur isha shtatzënë me Alfion (djalin tim dmth), vdisja për turshi.”- i shkruan ndjekësja, përgjigje që Fatmës i është dashur ta lexojë dy herë për të parë nëse është ashtu si ajo mendoi apo jo.
(Sigurisht, mendoi që po bëhej fjalë për Alfion, partnerin e saj).
Por duket se ndjekësja i ka vënë të birit të njëjtin emër si shefi i kuzhinës, ndaj s’kishte asgjë për panik.
“Qyqjjaaaa, këtë përgjigje e lexova dy herë, pastaj u qetësova.”- ka treguar moderatorja duke qeshur.
Më herët gjatë një interviste, Fatma tregoi se shtatzënia me Noah e gjeti të papërgatitur, sepse nuk ishte e planifikuar. Moderatorja tha se u gëzua shumë nga ky lajm, por ju shkatërrua gjithë përditshmëria e saj, që vërtitej rreth punës.
Më pas ajo rrëfeu për herë të parë se periudhën pas lindjes e ka përjetuar shumë keq dhe se këtë gjë e kanë ditur shumë pak njerëz.
“Shumë pak e dinë që unë e kam kaluar shumë keq periudhën e paslindjes. Kam qenë e rrethuar me njerëz që e donin shumë Noahn dhe mua, por po më ndryshonte jeta në një mënyrë të çuditshme. Unë takohesha më parë me Alfion në orën 11 të natës në shtëpi, më pas aktiviteti më i interesant i ditës sime ishte të dilja në ballkon që të ndryshoja rrobat e të voglit.
Ky ndryshimi drastik i jetës më bëri ta kaloja shumë keq. Ato kilogramët e tepërt, goca më besoni që mund t’i humbni shumë shpejt, janë shumë të parëndësishme. Por, unë në atë periudhë e kam kaluar më keq seç duhet dhe nuk ia fal vetes akoma që nuk e kam shijuar sa duhet periudhën e paslindjes sepse mendoja gjëra të parëndësishme”, rrëfeu Fatma.
Më pas ajo dha një mesazh me vlerë për të gjitha nënat.
“Gjej hapësirën t’ju them mamave që mund të jenë pa gjumë, që jeta e re që po ju duket e çuditshme, më vonë do ta kuptoni se kjo është gjëja më e bukur që po bëni në këtë botë”, tha Fatma Methasani.
