Ky truk mund të duket kaq i parëndësishëm, por mund të sigurojë shëndetin tuaj dhe të familjes suaj. Nëse po bëheni gati për të shkuar me pushime, atëherë nuk duhet ta harroni ta bëni para se të dilni nga shtëpia.
Ndodh që kur largohemi nga shtëpia, shkëputet energjia elektrike dhe si pasojë mund t’ju prishen ushqimet, që keni në frigorifer.
Kur rikthehet energjia elektrike, ushqimet ngrijnë sërish dhe ju nuk e dini se në çfarë gjendje kanë kaluar.
Kjo është tejet e rrezikshme, sepse disa ushqime rritin rrezikun për shpërndarjen e salmonelës dhe baktereve të tjera. Për të kuptuar nëse këto ushqime janë ashtu siç i keni lënë, përdorni këtë truk të thjeshtë para se të dilni nga shtëpia.
Mbushni një gotë me ujë dhe futeni në ngrirje. Kur të jetë bërë akull vendosni një monedhë sipër dhe rikthejeni në frigorifer. Nëse e gjeni monedhën në fund të gotës, kur të riktheheni nga pushimet, duhet ta hidhni ushqimin menjëherë. Kjo do të thotë se nuk ka pasur energji për një farë kohe dhe ushqimi është shkrirë.
Nëse monedha është sipër, do të thotë se nuk ka pasur mungesë energjie (ose mund të ketë pasur për një kohë fare të shkurtër) prandaj ushqimet mund të jenë akoma të freskëta.
