Jo vetëm që e ka braktisur familja, por Ritvan Zykaj nuk po mbrohet as nga avokatët e caktuar, të cilët mungonin në seancën e sotme gjyqësore.
Autori i masakrës së Selenicës që vrau 8 persona, dukej shumë i qetë, nuk kishte asnjë shenjë pendese, madje në një moment kur po dilte nga kafazi i hekurt pyeti oficerët: “Kur do ta shoh veten në televizor?”.
Prokuroria ka kërkuar burgim të përjetshëm për të, por vendimi ende nuk është dhënë, pasi seanca nuk është zhvilluar për mungesë të avokatëve.
Trupi gjykues ka vendosur shtyrjen e seancës duke e lënë atë për në datë 17 qershor ora 14:00.
Tashmë kanë kaluar mbi 9 muaj nga ngjarja tronditëse që ndodhi në Selenicë të Vlorës, ku 24-vjeçari Ritvan Zykaj vrau 8 të afërmit e tij.
Pas arrestimit ai u justifikua se vrasjet i ka kryer për arsyen se e quanin hajdut të pulave.
/Report.tv
