“Kur do ta shoh veten në TV?” Pasi vrau 8 të afërmit, Ritvan Zykaj i vetëm në gjykatë

Jo vetëm që e ka braktisur familja, por Ritvan Zykaj nuk po mbrohet as nga avokatët e caktuar, të cilët mungonin në seancën e sotme gjyqësore.

Autori i masakrës së Selenicës që vrau 8 persona, dukej shumë i qetë, nuk kishte asnjë shenjë pendese, madje në një moment kur po dilte nga kafazi i hekurt pyeti oficerët: “Kur do ta shoh veten në televizor?”.

Lexo edhe :

Tentoi të vidhte një banesë në Tiranë… 24-vjeçarja e pret me thikë dhe plagos 17-vjeçarin

13:11 17/04/26

Greqi/ Me 3 djem në dhomë hoteli, e droguan dhe e lanë të vdiste në rrugë, rrëqeth babai i 19-vjeçares shqiptare: E vesha si nuse, sot kam dasmën dhe varrimin e saj

11:50 17/04/26

Prokuroria ka kërkuar burgim të përjetshëm për të, por vendimi ende nuk është dhënë, pasi seanca nuk është zhvilluar për mungesë të avokatëve.

Trupi gjykues ka vendosur shtyrjen e seancës duke e lënë atë për në datë 17 qershor ora 14:00.

Tashmë kanë kaluar mbi 9 muaj nga ngjarja tronditëse që ndodhi në Selenicë të Vlorës, ku 24-vjeçari Ritvan Zykaj vrau 8 të afërmit e tij.

Pas arrestimit ai u justifikua se vrasjet i ka kryer për arsyen se e quanin hajdut të pulave.

/Report.tv