Sot më 1 qershor, të gjithëve na lejohet të shfaqim atë shpirtin e fëmijës, që në të vërtetë nuk vdes asnjëherë brenda nesh. Edhe personazhe të njohur të ekranit kanë shfrytëzuar rrjetet sociale për të uruar këtë ditë për fëmijët e tyre, por edhe duke sjellë kujtime të bukura që nuk harrohen kollaj.
Në ditën e fëmijëve, Ardit Gjebrea ka postuar një foto të vjetër kur ai ishte fëmijë. “Të gjithë kemi qenë fëmijë”, shkruan ai teksa uron 1 Qershorin. Me duart me rrathë nga shëndeti, pantallona të shkurtra dhe çorape, moderatori u kujton shumë njerëzve të moshës së tij, por edhe të tjerëve që e kanë kaluar fëmijërinë para viteve ’90, vitet e pafajësisë.
Ndërkohë, Ilir Meta dhe Monika Kryemadhi kanë pozuar përkrah një vogëlusheje të quajtur Aria, e cila u kujton kohët e bukura kur dy vajzat ishin të vogla dhe qëndronin në prehrin e prindërve: “Çdo ditë është e rëndësishme për fëmijët tanë, por sot duhet të përpiqemi t’i gëzojmë ata pak më shumë se ditët e tjera”, shkruan Kryemadhi ndër të tjera.
Kryeministri Edi Rama ka pozuar në mesin e dy binjakëve dhe foton simbolike për 1 qershorin e ka publikuar me etiketimin: Fotot e ditës në “Instagram” dhe “Facebook”.
Stilisti Ardi Asllani ka publikuar posterin e filmin shqiptar “Taulanti kërkon një motër”, ndërsa si dëshirë për këtë 1 Qershor ka shprehur: Të kthehet pas në kohë!
Kreu i Bashkisë së Tiranës ka publikuar një foto me fëmijë nga kryeqyteti për të uruar të gjithë ata që ndihen optimistë dhe fëmijë në shpirt, nga data 1 deri 101 vjeç.
Julian Deda është zgjuar në mesin e dy fëmijëve të tij për 1 Qershor, ndërsa me një foto së bashku me ta uron festën:
Kryetari i Partisë Demokratike, Lulzim Basha ka uruar 1 Qershorin duke publikuar një foto me Viktorian, vajzën e vogël. Viktoria, që këtë vit mbush 6 vjeç, është e veshur me një fustan me lule, nga ato që vajzat e vogla i kanë shumë qejf dhe ka hipur mbi tavolinë, që si çdo vend i ndaluar, fëmijët gjithashtu e pëlqejnë shumë.
Burimi: Iconstyle.al
