Vendosja e maskave është nga temat më të diskutuara të këtyre muajve, teksa është dukur se ekspertët nuk kanë rënë dot me një mendje.
Madje edhe Organizata Botërore e Shëndetësisë ka qenë e dyjëzuar derisa vendosi në fund në protokollin e pandemisë se duhen përdorur.
Në disa vende kërkohet me detyrim, ndërsa në disa të tjera thjesht këshillohet, teksa bluzat e bardha bëjnë thirrje që maska të përdoret masivisht.
Mirëpo, duhet të keni parasysh se vendosja e një maske nuk është gjithnjë efektive, kështu që ja çfarë duhet të dini.
Fillimisht, lani duart me kujdes dhe zgjidhni gjithnjë një maskë të pastër.
Së dyti, kapeni në cepat anësor dhe vendoseni në mënyrë që të mbulojë gojën, hundën dhe mjekrën. Maska duhet vendosur në proporcion me fytyrën, gojën, hundën dhe mjekrën, që mos ketë hapësira bosh, por as të bëjë të pamundur frymëmarrjen.
Së treti, duhet të siguroheni sërish që maska ka mbuluar plotësisht hundën, gojën dhe mjekrën. Pasi vendoset maska ajo nuk duhet prekur me dorë derisa të hiqet. Po ashtu ka një mënyrë se si duhet të vendoset dhe të hiqet maska. Ajo duhet të kapet nga anët e saj, pra ‘litarët’ dhe të vendoset menjëherë tek veshët ku mbahet. E njëjta gjë edhe kur hiqet. Pra nuk duhet prekur pjesa e copës që mbulon gojën, hundën dhe mjekrën për asnjë moment me duar.
Pasi hiqet, maska duhet ruajtur në një send të sigurt, siç janë qeset e posaçme higjienike për ruajtjen e sendeve në mënyrë që mos jenë të ekspozuara direkt me ambientin e jashtëm.
Në fund duhet të lahen duart mirë me sapun dhe me ujë. /CNN
