Afrimi i sezonit të plazhit, sjell dhe një nga problemet më të mëdha të femrave: depilimin.
Mënyrat e depilimit janë nga më të ndryshmet, por kohët e fundit dermatologët kanë vënë alarmin për një metodë, që me sa duket, nuk duket të jetë aq efikase për lëkurën, përkundrazi, ndikon edhe në plakjen e shpejtë të saj.
Dermatologët theksojnë me forcë se duhet të shmanget përdorimi i kremrave depilues. Përbërja e tyre është plot me kimikate të tilla si hidroksid kalciumi dhe hidroksid kaliumi – kimikate që mund të irritojnë lëkurën, madje ndonjëherë edhe për disa muaj me radhë.
Gervaise Gerstner, dermatolog në Nju-Jork, thotë se “duhet parandaluar kontakti i kremit me lëkurën (inflamacion i lëkurës), për shkak të djegies që mund të krijojë, madje deri në djegie të shkallës së dytë.
Dr. Rebeca Baxt, një tjetër dermatologe, tregon për “Daily News”, se kremrat depilues janë më pak të preferuar nga të gjitha opsionet për heqjen e qimeve. Ajo nënvizon: “Irritimi i lëkurës mund të shfaqet menjëherë pas përdorimit, madje mund të zgjasë edhe disa ditë.”
Ka disa shembuj të tmerrshëm që i kanë bërë dermatologët të japin alarmin.
Sipas “Daily News”, një grua vuante nga një djegie e shkallës së tretë, pas përdorimit të Veet-it dhe ekspozimit në diell. Megjithatë, Dendy Engelman, një kirurg dermatology në NYC, tha për “Daily News” se, “edhe pa u ekspozuar në diell, kam parë njerëz që kanë pësuar djegie pas përdorimit të këtij produkti duke dëmtuar seriozisht lëkurën.”
Dr. Gerstner rekomandon heqjen e qimeve me lazer ose thjesht edhe me brisk në vend të formave të tjera të depilimit.
