Ju mund të mendoni se padashur zgjidhni një vend pa e menduar, kur shkoni në kinema. Por zgjedhja juaj në fakt mund të përcaktojë personalitetin tuaj, thonë psikologët. Psikologjia japoneze, Hiromi Mizuki, shpjegon se mendja dhe karakteri i një personi ndikon edhe në zgjedhjen e vendit. Lexoni nëse qoftë se vendi që kemi zgjedhur zakonisht, përputhet me personalitetin tonë:
Sektori A: Qendra përpara ekranit
Njerëzit që zgjedhin këtë vend, sipas psikologes japoneze janë, të vendosur dhe me vetëbesim. Ata janë të mirë për të planifikuar dhe programuar dhe pa asnjë hezitim rezervojnë vendin më të mirë të kinemasë.
Sektori B: Qendra mbrapa
Ata që zgjedhin këtë vend janë persona të qetë dhe objektiv, ndoshta pak të turpshëm, të frikësuar dhe ndikohen lehtë nga opinioni i të tjerëve. Për këtë arsye, zgjedhin për të qëndruar mbrapa, duke shijuar filmin nga një vend jo dhe aq në qendër!
Sektori C: Drejtë, përpara ekranit
Njerëzit që zgjedhin këto vende kanë dëshirë të madhe për t’u njohur me të tjerët, ata janë shumë të shoqërueshëm, dëgjues të mirë të cilët janë në gjendje të falin.
Sektori D: Përpara, vendet anësore
Personat që duan të qëndrojnë pak larg nga ekrani dhe gjithashtu të jenë afër daljes, janë njerëz që edhe në turmë kërkojnë hapësirën personale. Ata kanë nevojë për miq të qetë.
Sektori E: Mbrapa, vendet anësore
Këto vende janë të zgjedhur nga njerëzit që duan të kontrollojnë çdo gjë që ndodh në kinema, ata janë vëzhgues shumë të mirë, por nuk pëlqejnë që të përfshihen në situata.
Sektori F: Radhët e fundit, vendet anësore
Këto vende janë ndoshta më të pakëndshmet dhe më pak të dëshirueshme për të parë një film në kinema, por ka disa persona qe zgjedhin pikërisht vendet e fundit. Këta njerëz përshtaten mire me vështirësitë dhe të tjerët shfrytëzojnë dobësitë e tyre.
Burimi: Daily Mail
