Elita Rudi dhe reperi Gjiko kurorëzuan në martesë historinë e tyre të dashurisë në ditët e fundit të muajit shtator, një dasmë që u komentua shumë në media.
Vallë të ketë përfunduar dashuria mes tyre kaq shpejt? Pyesim sepse për pak sa nuk pushoi zemra kur pamë se Gjiko dhe Elita i kishin drejtuar armët njëri-tjetrin!
Në një foto të publikuar së fundmi në profilin e tij në “Instagram”, reperi i hitit “Si Buggatti” i veshur me të zeza dhe me një bluze ku gdhendej titulli i këngës, i hedh një vështrim shumë të akullt partneres së tij, teksa i drejton armën. Por edhe moderatorja, e veshur me një pallto të zezë dhe me dorashka të së njëjtës ngjyrë shfaqet shumë serioze në versionin e vrasëses.
Përpara se të përhapim panik, le të sqarojmë se dyshojmë se bëhet fjalë për xhirimet e videoklipit të reperit, por ende asgjë nuk është bërë e ditur.
Edhe këtë herë, Elita Rudi ia ka dalë të fshehë me mjeshtëri barkun e rrumbullakosur, pas palltos së zezë.
Gjithsesi, çifti kosovar duken të paparë dhe shumë profesionistë në rolin e “Mr dhe Mrs Smith”.
